芒果皇長洲糯米糍 (已結業)

（其實呢間係南丫島食）叫左兩樣 一個係大魚蛋 一個係墨魚丸 兩款都係即叫即炸 上面灑左d椒鹽粉 所以一黎到已經聞到陣陣香味 自己覺得墨丸好食d 咬落彈口 同裡面真係有粒粒墨魚肉架好好食 魚蛋就一般 不過不失

近期熱潮長洲長形芒果糯米糍。以我所知，屯門都起碼開左三間以上，係間間都賣12蚊粒嘅情況下，我一直都冇幫襯過依間，因為依家係咁多間之中最細粒。直至近期，佢開始買一送一優惠，我就幫襯左兩次啦。雖然係買大送細，但都幾抵架，都唔係細粒幾多。第一次買果陣就試左芒果，芒果唔係粒粒都好甜，耐唔耐會有一粒酸酸地，但芒果就係咁架啦，一粒半粒酸間間都會有架啦，所以可以原諒嘅。而佢個糯米皮就係我最欣賞嘅地方，係咁多間之中最軟熟，最香糯米味。依個就係我幫襯第二次嘅原因。今次幫襯就買左榴蓮同紅豆。佢声稱榴蓮係貓山皇，但賣十蚊一粒咁平，我就唔多信。一如以往，個糯米皮好好食，榴槤餡就小左dd，但榴蓮貴，佢只賣十蚊一粒，咁都明白嘅。但紅豆就令人失望啦，內餡比榴蓮更小，但紅豆咋喎！？得薄薄一層，都食唔出紅豆味。個皮雖然好味，但個餡太小，成粒都係糯米皮，食完好飽肚。紅豆就可以唔洗試，榴槤就值得一試。

食完晚飯行過，見到哥仔大叫芒果糯米糍買一送一！嘩嘩嘩！唔係呀化？咁抵？！唔買都對唔住自己！即刻衝去買！買左長形版芒果糯米糍，送果件就揀左朱古力香蕉糯米糍呢個長形版長過手掌，入面舊芒果大過平時size成倍咁多！糯米糍皮依然係好薄好煙韌，入面個芒果肉又新鮮又甜又多汁！朱古力香蕉糯米糍係第一次食，原來個朱古力味好濃郁！入面除左香蕉，仲有d朱古力醬！好濃，但又唔會太甜！

其實而家好多地方都有得買呢啲糯米糍~我就無咁好耐性排隊去買...只係有幾次同事請過我食都叫試過下~不過又唔會令我有衝動食完再買黎食...而上次咁啱行過景峰見佢擺左個檔出黎~先知原來有呢間舖~佢個位置太唔顯眼了！因為唔需要排隊~又有啲口痕就買左黎食！其實芒果就有啲酸~不過都好食過之前同事喺九龍,長洲買嗰啲！我覺得！因為我之前食過個皮好薄嗰啲...只覺得有啲野包住個芒果食...有啲無謂唔太夾...好似淨咁食個芒果仲正...但呢個比我感覺係我知道自己係食緊芒果糯米糍但最令我回味嘅係個榴槤糯米糍！榴槤肉同個糯米糍皮二合為一！正到我時不時諗起都想再食過！(因為唔係住附近所以唔太方便去買)而今日我同男朋友食完又係好好味嘅雲貴風米線之後！終於可以去買個甜品食喇！ 今次我哋買左四個榴槤糯米糍,一個香蕉三重奏,抹茶紅豆同埋一盒麥堤莎糯米糍~講真~個人都係勁冧個榴槤糯米糍！ 但麥堤莎...總覺得唔太夾咁~其餘兩個未試因為太飽了！但都想像到會係正正常常嘅~不仿試試~但其實我都驚驚哋如果佢愈來愈出名又會要排隊先買到或者買都買唔到...不過都好似有得預訂~但我無問所以唔知要買幾多先得價錢就...好似