榴蓮王 (已結業)

榴梿系一种令人又爱又恨嘅食物。吾钟意食嘅人会觉得佢臭到死,同食垃圾冇分别。但如果系同我一样系榴梿爱好者就会爱到爱死佢。所以当我发现依间专卖榴梿小食嘅小店嘅时候我真心觉得佢系一个天堂。除咗可以买到榴梿制成嘅小食之外,仲有完个新鲜猫山皇或者已拆肉嘅猫山皇卖。超级推介依个榴梿芝士冻饼,榴梿蛋糕我就食过。不过冻饼就第一次见,底层有威化饼底而中间就有大量榴梿蓉,连面头嘅芝士蛋糕亦有浓浓嘅榴梿味。超级足料嘅榴梿拿破仑,松脆嘅拿破仑酥皮每层都夹杂住大量嘅榴梿蓉,真材实料。一脆一软绵嘅口感非常之夹。依个小小嘅一囗泡芙外皮软身,但里面嘅榴櫣吉士就非常突出。听闻系依度嘅招牌所以即刻order左一个嚟试吓,即叫即做。老板亦建议我哋最后食因为猫山王嘅味道较为浓郁。热辣辣嘅白雪饼外皮系用咗用日本米浆整成,口感烟烟靱靱。里面嘅猫山皇蓉味道非常之浓郁,食完齿颊留香,正。