影片
更多
2023-12-04
705 浏览
次次去明日世界食饭都系去火箭餐厅，最近先知原来仲有一间彗星餐厅。佢开嘅位置比较入，又冇火箭餐厅一支大火箭做招牌，餐厅亦比较细，人亦少啲。离远睇我会以为佢系小食站😅餐厅系卖亚洲菜。有分两条队攞餐。一边饭类、一边面类。攞好哂再一次过排收银俾钱。今次就去咗饭类。饭类唔计儿童餐得三个选择。今次就叫咗焗植物肉燥珍珠饭套餐同日式咖喱猪扒饭套餐。焗植物肉燥珍珠饭味道唔错，有唔少芝士，加埋素肉酱配珍珠米好唔错。可惜本是米奇头形状嘅黄色芝士片焗溶后已变样，唔讲唔知佢曾经系米奇。日式咖喱猪扒饭朋友食过话就系一般日式咖喱猪扒饭嘅味道。彗星餐厅嘅环境就好一般，冇咩特别设计，就好似一般快餐店咁。而佢亦都冇室内座位。只有半露天室外用餐区。秋凉都还好，夏天就真系……卫生就都一般，职员收拾打扫唔算太勤。地下亦有少许垃圾。我有迪士尼金卡，生日有一次指定餐厅(皇室宴会厅、笑匠欢宴坊、火箭餐厅、彗星餐厅、碧林餐厅)主食套餐买一送一优惠。呢两个餐正价都系$135，所以今次用埋生日优惠就等于半价，人均$67.5，真系超抵。就算冇生日优惠，正价$135一个饭连饮品喺迪士尼嚟讲都好似已系最平？佢饭嘅份量唔少，食完真系会好饱，味道都
佢开嘅位置比较入，又冇火箭餐厅一支大火箭做招牌，餐厅亦比较细，人亦少啲。离远睇我会以为佢系小食站😅
餐厅系卖亚洲菜。有分两条队攞餐。一边饭类、一边面类。攞好哂再一次过排收银俾钱。
今次就去咗饭类。饭类唔计儿童餐得三个选择。
今次就叫咗焗植物肉燥珍珠饭套餐同日式咖喱猪扒饭套餐。焗植物肉燥珍珠饭味道唔错，有唔少芝士，加埋素肉酱配珍珠米好唔错。可惜本是米奇头形状嘅黄色芝士片焗溶后已变样，唔讲唔知佢曾经系米奇。
焗植物肉燥珍珠饭套餐
$135
167 浏览
0 赞好
0 留言
彗星餐厅嘅环境就好一般，冇咩特别设计，就好似一般快餐店咁。而佢亦都冇室内座位。只有半露天室外用餐区。秋凉都还好，夏天就真系……卫生就都一般，职员收拾打扫唔算太勤。地下亦有少许垃圾。
我有迪士尼金卡，生日有一次指定餐厅(皇室宴会厅、笑匠欢宴坊、火箭餐厅、彗星餐厅、碧林餐厅)主食套餐买一送一优惠。呢两个餐正价都系$135，所以今次用埋生日优惠就等于半价，人均$67.5，真系超抵。
就算冇生日优惠，正价$135一个饭连饮品喺迪士尼嚟讲都好似已系最平？佢饭嘅份量唔少，食完真系会好饱，味道都算唔错，唔嫌环境唔够靓嘅话，迪士尼嚟讲佢性价比都算好唔错。
张贴
