樂天經典 (奧海城二期)

营业中

休息中

相信唔少人，一大班朋友，都会去餐厅叫𩠌食饭，不坊考虑下依一间。位置奥海城商场入面既。室内环境优雅，而且座位寛松,大家坐起上黎唔会话好逼夹。系一个唔错既地方。仲有客人既服务态度十分良好，先唔好讲食物，依一点已经令人有回头既感觉。招牌扣肉包一定要试下，扣肉同包系分开上的。包唔会太厚，而且肥猪肉厚厚的，夹埋一齐食 个口感系正到不得了。有种类似食汉堡包既感觉。十分特别。手工虾枣，我系第一次食，见几好食咁。油炸既，但感觉又唔会太肥，食落去啖啖虾肉，十分有满足感。下一次黎到都一定要食，不访同大家推介一下。油浸银雪鱼，较清淡既口味，只有清清既豉油配上夹上爽口清甜既银雪鱼。如果配上一个白饭简直系绝。只系可惜当晚全都系肉食唔落饭了。期待已久既黄金焗蟹，本人系十分喜爱咸蛋黄既人，蟹既新鲜程度是十分赞的。再加上蛋黄嘅配合简直天衣无缝，但系十分济，只可以一大班人一人一旧先得 。若果行开奥海城 不如去试下！