影片
更多
2013-08-18
158 浏览
一讲起九龙城三个字，只有两样嘢会出现在我嘅脑海:泰国菜同埋甜品。今晚同朋友系王家沙食完晚饭后，仍然觉得意犹未尽，所以朋友揸咗架车去九龙城食甜品。黎到尝乐甜品舖，地方唔算大但睇落都好光猛同新。呢度嘅甜品都几多选择，有各款各类，价钱都好抵，$2x-$3x一个，而且D甜品插图个样好吸引，真系望住佢地到食指大动。好开心一行五人所以变咗食嘅甜品选择都多左。我食𠮶个叫做金玉满堂，主要有杂果(西瓜芒果)，啫喱，小丸子，椰果，淋啲忌廉系上面。要功夫醒整既小丸子同啫喱Q感十足。有朋友叫咗个星星奇遇(实际个名可能唔系咁，但我唔记得咗) 。开头谂住，上边有啲蜜糖星星都冇乜特别，好似食谷类早餐咁遮。但后尾发现下边个个绿茶茶冻，其实几清新几好味，配埋球绿茶雪糕够creamy够浓，成件事系估唔到咁夹嘅。鲜什果凉粉就比较普通，都系一般货色。蓝水晶最特别之处就系𠮶啲蓝色嘅水晶粒，食落好得意，口感好特别，因为佢系爽爽脆脆，好似系你口入边爆开咁。个球杂莓妹雪糕，食乐就酸酸地既，配合买侧边个d忌廉都OK嘅。有个oreo黑木糠布甸，睇落个样吸，食落就麻麻哋，因为𠮶啲oreo碎可能太细，所以食落其实冇乜木糠嘅感觉，而这个忌廉好
今晚同朋友系王家沙食完晚饭后，仍然觉得意犹未尽，所以朋友揸咗架车去九龙城食甜品。
黎到尝乐甜品舖，地方唔算大但睇落都好光猛同新。呢度嘅甜品都几多选择，有各款各类，价钱都好抵，$2x-$3x一个，而且D甜品插图个样好吸引，真系望住佢地到食指大动。好开心一行五人所以变咗食嘅甜品选择都多左。
我食𠮶个叫做金玉满堂，主要有杂果(西瓜芒果)，啫喱，小丸子，椰果，淋啲忌廉系上面。要功夫醒整既小丸子同啫喱Q感十足。
有朋友叫咗个星星奇遇(实际个名可能唔系咁，但我唔记得咗) 。开头谂住，上边有啲蜜糖星星都冇乜特别，好似食谷类早餐咁遮。但后尾发现下边个个绿茶茶冻，其实几清新几好味，配埋球绿茶雪糕够creamy够浓，成件事系估唔到咁夹嘅。
鲜什果凉粉就比较普通，都系一般货色。
蓝水晶最特别之处就系𠮶啲蓝色嘅水晶粒，食落好得意，口感好特别，因为佢系爽爽脆脆，好似系你口入边爆开咁。个球杂莓妹雪糕，食乐就酸酸地既，配合买侧边个d忌廉都OK嘅。
有个oreo黑木糠布甸，睇落个样吸，食落就麻麻哋，因为𠮶啲oreo碎可能太细，所以食落其实冇乜木糠嘅感觉，而这个忌廉好稀唔够挺身。
但山长水远黎到九龙城，咁嘅价钱食到呢啲有心制作嘅民新派甜品，系开心嘅。最重要系小本经营，所以更加要支持本地店，加油加油！张贴
