Thai Fire

喺观塘真系有好多楼上餐厅，只要系好食，自然会识揾上门，朋友一直向我推介呢间Thai Fire,我当然会嚟探店啦！内在环境坐得几舒服,唔会太迫，睇返价钱仲非常合理！柚子沙律~非常惹味辣度十足，非常过瘾！柚子带酸甜嘅汁可以中和辣味，而虾都非常大只,系诚意之作！红咖哩牛腩配薄饼~薄饼非常酥脆并且热辣辣，一定要尽快食！配搭上红咖哩简直系绝配,而牛腩炆得非常淋！内里亦够晒入味。虾油海鲜炒饭~炒饭份量非常大，当中虾油嘅香味沾上每一粒饭粒，粒粒分明，证实咗厨师嘅功夫。龙眼冰~龙眼够晒juicy，份量算多，清甜顺喉。班兰水~微甜且带有班兰香味，令人回味。彩虹椰汁糕~每一层都有唔同颜色，呈现出七彩颜色，非常吸引，口感软糯，打卡一流，值得推介！