咕嚕咕嚕

营业中

休息中

诺士佛台真系好多酒吧，自己就喜欢楼上铺𠮶类型，感觉冇咁嘈，同埋会有啲私隐。今日happy hour嚟到呢间GULU GULU，成个场一眼睇晒，座位都系归边，中间一条好长嘅吧枱最吸睛，个场中间又有beer pong同埋桌球玩。我除咗贪佢上嚟会有啲私隐之外，仲系因为佢哋嘅嘢食而来。酒吧小食都系啲炸嘢之类，Pizza意粉佢哋都有，但系我觉得佢哋出色嘅系佢哋嘅串烧，10零$20一串唔算好贵，但系佢哋做到出边串烧店嘅质素。咁我就叫咗一个拼盘同埋饮咗啲酒。呢个拼盘有带子、鸡翼、牛舌芯、羊肋串、日本黑豚腩肉。肉类都做到外脆内软又多汁送返一杯啤酒呀真系一流。另外再饮多杯佢哋嘅signature cocktail：JERRY‘S VINEYARD。成个酒主要系葡萄味，上面加埋𠮶粒冰葡萄，甜甜地好易入口。早嚟都唔算多人，倾吓偈系唔错嘅地方。