花月居酒屋

营业中

休息中

之前有朋友介绍尖东依间居酒屋可以坐得耐又高质，有日见想食日本野就嚟依到试吓。可能系平日夜晚加上地点都唔易发现所以都唔多人，仲有得坐梳化位添！待应姐姐仲好好咁介绍今日嘅推介，所以我地嗌咗好几样野食！马份海胆以前唔系好钟意食海胆，因为觉得个口感怪怪，但自从去咗日本食过入口即溶既海胆就返唔到转头喇！虽然依板海胆未算系好入口即溶果只，不过都食到海胆果种鲜甜味，配埋紫菜食又系另一个食法，不过个人就钟意就咁食多啲！生蚝生蚝都系我钟意食既海鲜之一，依两只都算肥美的，仲食到果浸海水味，肉质系爽口，系唔错既！什锦刺身有吞拿鱼、三文鱼、八爪鱼、油甘鱼、元贝、池鱼，有六款都算多！三文鱼鱼脂分布得都几均匀，食落仲有啲油香添！元贝都好鲜甜！油甘鱼同池鱼都好厚身。个人就不太爱吞拿鱼，所以就俾埋朋友食。牛油果软壳蟹卷软壳蟹唔算多，食落又唔系太脆口，所以普普通通！清酒煮蚬清酒味十足，虽然啲蚬唔系话好大只，但都算多，又唔会话有沙，系新鲜既！烧白鳝烧白鳝系我嘅favorite，基本上食亲居酒屋都必嗌，依到嘅烧白鳝都冇令我失望，块皮系脆脆的，肉都好Juice，唔会话好油腻，烧嘅时间岩岩好！野饮嗌咗白桃乳酸梳打同巨峰提子乳酸