MOBIN (已搬遷) 新店位置

小店系间新派的fusion墨西哥菜店，有多款既传统又有特色墨西哥菜。只睇菜单好多款都好吸引，选择困难症的我又要费一费神。⭐️南乳版德国猪手紫酸菜芝士馅饼 💰88/half 德国咸猪手就成日食，但南乳味嘅仲要混合系馅饼入面食，都算系第一次试。猪手份量好大，啖啖都会食到南乳猪手。馅饼皮薄唔会太干、微酸既紫椰菜、软腍既南乳猪手、味道同口感都好丰富。另外再配上牛油果酱同蕃茄莎莎酱，同馅饼味道好夹，好开胃。⭐️牛油野菌混酱意粉 💰108意粉软硬度适中够弹性，忌廉汁质感够浓稠，香浓既菇菌味，配料蘑菇同紫洋葱份量算多。⭐️纽约芝士蛋糕配自家制龙舌兰焦糖酱 💰68芝士蛋糕味浓郁，甜度适中不太甜，另配有少少龙舌酒香既焦糖酱，味道几特别。⭐️红莓水果酒 💰60虽然个名系水果酒，但绝无酒精成份。水果酒用上红莓汁作主调，入面有苹果、青柠、橙等等，整体味道上酸酸甜甜。餐前饮一两啖够晒开胃。⭐️新鲜姜末柠檬蜜糖 💰45食饱饱饮杯热姜蜜清清味蕾，杯中仲加有肉桂条，够晒养生。