尚鮮海鮮料理

营业中

休息中

今日去咗食佐敦嘅火锅私房菜，食咗好多牛肉，简直系食肉兽嘅满足。餐厅喺佐敦嘅吴松街，系楼上店嚟嘅，唔系特别大，但都坐得舒舒服服。都已经讲咗系食肉兽嘅满足，所以重点一定系食肉，而边炉嘅重中之重当然系牛肉。见到Menu就已经好期待。菜前赛有好食嘅鱼皮-真系港式火锅嘅灵魂。呢一度嘅鱼皮好脆，调味啱啱好，唔会特别咸，真系差个啤酒就可以倾一晚🤣午餐肉佢已经切好咗一条条，叠得整整齐齐。份量其实几多但好彩嘅系佢嘅午餐肉有几好食同平时自己出面买嘅好似有少少唔同，唔会死咸死咸，所以我地个个都食得几多🤔🤔我哋叫咗嘅有牛三拼同埋四色丸上盛。丸𠮶度有嘅系墨鱼丸、牛肉丸、虾肉丸、猪肉丸。每一粒丸入边都内有干坤，好似墨鱼丸里边就包住咗啲番薯，牛丸入面有包咗啲蛋黄，猪肉丸就包咗黑松露，所以每粒都食到两种味道牛呢就有三款，有雪花牛柳粒、特尚手切牛、同埋本地手切牛。牛柳粒要渌嘅时间相对地会长少少，但系另外两份牛都系就咁烫一烫入口就已经好嫩滑好好食，牛味相当浓，油脂分布平均。而牛柳粒即使渌嘅时间会耐少少都仲系好软身。