Amitie Kitchen (已搬遷) 新店位置

一家3口为食🐽又出动，今次过左尖沙咀揾食，等大帝放学就搭巴士去尖咀再经隧道过去。餐厅就系捷利商业大厦8楼，我地都好肚饿叫左几多野食。餐包有几款都烘热左，面包松软，牛角包几香牛油味。6道风味餐有1杯红酒，几香醇亦易入口。迷你海鲜盘有青口，蚬，虾，螺每款1件，每样都好鲜甜又嫩好味。香煎法国鸭肝煎得刚刚好唔会老，外脆内嫩滑亦无腥膻味柠檬青柠雪葩酸酸甜甜冻冰冰好醒胃亦好清新。苋菜芝士意大利云吞配黑松露忌廉汁，好香浓松露味配埋芝士云吞几好味。主菜拣左美国羊T骨肉质几嫩唔会干柴，有少少羊膻几好食。另外叫左个set dinner要左大虾甜橙茴香沙律，汁甜甜酸酸，沙律菜新鲜，橙好甜加埋茴香是日餐汤系蘑菇汤好香菌味，味道亦好。炸蚝2重奏意大利面炸蚝外脆内嫩又多汁，意粉有弹性个汁有鲜味，唔知系咪用蚝汁去煮?仲叫左个阿根廷红虾配柚子酱油，红虾新鲜有甜味但个汁唔似柚子酱油反而似蒜味酱油。最后个6道风味有梳乎厘但当日无所以可以转其他蛋糕，我拣左特浓朱古力蛋糕，好浓厚朱古力味亦好香滑，好正。餐厅装修简洁，侍应姐姐们都几nice, 会同大帝倾下计。几多情侣同三五知己黎食。