Amitie Kitchen (已搬遷) 新店位置

放假夜晚无嘢做，友人带路去尖沙咀食西餐。先点咗好少餐厅有嘅栗子餐汤，饮落甜甜地好香浓。前菜点咗田园沙律，沙律菜好新鲜，落咗黑醋汁酸酸地几开胃。另外再点咗烤大啡菇，虽然得两粒菇但好大粒好多肉，咬落仲有菇汁好juicy！主菜先点咗份西京烧比目鱼柳，表层烧得香脆，中间肉质嫩滑，入口味道鲜甜。友人点咗牛肉汉堡单份，汉堡好多层好大旧，配料有香煎意大利烟肉、大啡菇同埋芝士牛肉，另外仲有一大份炸薯条，十分抵食。