JK Kitchen (已結業)

约咗朋友去铜锣湾时代睇戏，睇戏前念住食少少野充饥，咁阵间可以食爆谷。买完飞行咗去前面登龙街，见到永光中心门口有好多餐厅水牌，最后简咗间越南餐厅JK Kitchen。上到去，佢系一个好有住家feel的餐厅，颜色主要以白色同tiffany blue为主。每一道菜都系大约$78左右，服务态度同环境都几好，同几个朋友倾吓计系唔错嘅。有一样野抵赞系佢见我哋两个人share食，都唔洗问就自动比左两个碗我地。精选生熟牛肉汤河粉 ($78)熟牛系牛腩，牛腩味道会比较浓郁，肉质结实。生牛系薄牛肉片， 肉质比较淋身， 牛味冇咁重。我个人就比较中意食实口感的牛腩。芽菜，酱汁，辣椒同青柠子会分开上，但系洋葱就会预先喺个牛河入边，如果唔钟意洋葱嘅朋友，建议系落单嘅时候叫走洋葱。串烧鸡肉(三串) ($58)鸡肉面加咗花生，虽然系烤，但唔会太热气太硬。香芋奶茶 ($34)因为我哋叫咗嘢食，所以饮品有半价$17。本身想试越南三色冰，但因为冇红豆，所以转香芋奶茶。奶茶系典型嘅台湾餐厅奶茶，下次要系试埋个越南三色冰。两个人埋单大约百七蚊，铜锣湾黎讲都唔算贵。