JK Kitchen (已結業)

今晚同男人黎到铜锣湾食野集中营＜登龙街＞，上黎楼上铺食越南菜，果然不负所望一上到楼就俾个环境吸引住，有一种柔和舒服的感觉，好适合同朋友聚会。入面都充满越南风味除左环境外，食物先系重点，当然都系高质素喇。首先叫左个越式虾饼扎肉汤檬，配料另上（芽菜，青柠，辣椒，九层塔），可根据自己口味自由加上。首先汤底浓郁，唔会油腻；虾饼厚实虾味突出，大大块超好味；扎肉又够爽口。越式春卷，十分香脆，跟上生菜，用生菜包住春卷，减少油腻既感觉，亦唔会食到周围都系，点埋酱汁，味道一流。椒盐软壳蟹，见到附近人都有叫，忍唔住都叫埋一份，果然无拣错，软壳蟹炸得刚好，非常香脆，而且啖啖都系肉，而且大大件件又唔少。朱古力窝夫，外脆内软，虽然做得比出面食到既薄，但仍然充实饱肚感十足，每一块都有香浓既朱古力酱，再加上一个有朱古力碎既朱古力雪糕就是完美，仲要系心型的叫左一杯三色杯（绿豆），好大杯呀，面头充满绿豆，椰香味十足，凉粉又够爽。个杯造型都好特别最后职员仲送上甜品，简直大满足不得不提，员工服务好好，不时关心顾客既需要，时刻加水。果晚冷气好冻，都马上留意到并调较好，十分细心