寢宮

营业中

休息中

放工想揾个地方同朋友食吓嘢饮吓嘢吹吓水，又唔想太嘈，今次揾咗一间喺诺士佛台嘅楼上酒吧，装修华丽，入面有美式桌球同beer pong 玩。嘢食嘅选择都算多，今次叫咗双层芝士薯条、白酒辣椒蚬肉意粉、玛格丽特芝士薄饼，最最最特别系饮品 - 用咗古代四大美人做主题，拣咗貂蝉。双层芝士薯条上面芝士溶份量足，粗身薯条炸至非常香脆，配搭好夹。白酒辣椒蚬肉意粉蚬肉好大只，完全冇沙，有新嘅意粉吸收咗蚬肉嘅鲜味，微辣。玛格丽特芝士薄饼即叫即焗，上枱热辣辣，薄饼面既马苏里拉芝士份量好够，拉丝烟烟韧韧，薄饼好脆。貂蝉用咗古代主题酒瓶，配埋古代酒杯，够哂睇头，调酒用左Bailey、Grey Goose Vodka with Muscovado milk tea，好似饮紧朱古力奶，甜甜地好易入口，旁边仲有黑糖味Mochi，口感烟韧。