滾餃

营业中

休息中

观塘前工厦又有新嘢食，位于骆驼漆大厦9楼嘅《滚饺》总会有一款啱你心水。啱啱过咗午膳高峰时间，店内仍坐满八九成食客，刚刚下午茶时段，可以慢慢食慢慢叹。呢度请咗几位姨姨专人包饺子，佢哋嘅手工制作卫生可靠。辣味菜脯劲爽口，食落香口又够辣，配上海面/汤面特别惹味。蒜芯鲜虾猪肉(汤)~上海面，猪骨汤，蒜心爽口，鲜虾弹牙。香茜猪肉饺(汤)~上海面，猪骨汤，芫茜味道唔算好重，冇食开芫茜嘅都可以一试，芫茜系一个好有益嘅蔬菜。凉拌肉松皮蛋豆腐~落足料嘅一个小吃，皮蛋够香，豆腐够滑，加埋肉松及酱汁特别醒胃。煎饺双拼(十只)~韭菜猪肉饺拼黑松露芝士猪肉饺~即叫即煎非常香口，韭菜饺系必叫嘅煎饺，正！黑松露芝士fusion饺也做得出色。柠檬红茶+蜜桃茶~ 食完仲可以慢慢行下呢度嘅商店，今日同朋友都大有收获，shop咗好多心头好。