Unnie

营业中

休息中

今晚约咗老公铜锣湾楼上cafe《Unnie》chill一chill，近佢公司，餐厅地方唔错，店内装修特别风格。 餐牌上部份是韩式fusion菜，几有新意。酱烧顶级牛肉拌饭~卖相好吸引，大量牛肉铺喺饭上面，靓靓牛肉非常可口，饭好软淋，食到韩式辣酱汁，辣辣地好惹味。肉食者汉堡(香辣炸鸡安格斯牛汉堡)~安格斯牛肉汉堡劲厚，好似成个波咁，牛肉味香浓，仲有件炸鸡，少少辣多滋味，芝麻包好松软，配大量粗薯条，热辣辣，即叫即炸，香脆可口。粟米浓汤~香浓粟米忌廉汤，正！抹茶芝士蛋糕~抹茶味够，芝士味香，这个几出色。柚子乳酪慕思~U果茶(热情果、蜜桃、柳丁)~清新口味，唔会太甜。特色柠檬茶~饮到有薰衣草香味，好特别。主菜/汉堡可加$48升级套餐有餐汤，精选甜品及饮品，$66仲可自选饮品。