第三站

嚟紧就嚟去旅行，所以要同朋友倾下行程。谂紧揾咩地方可以坐耐啲，大家倾多啲。有朋友话嚟过呢度食嘢，有旅游书可以睇下，咁就梗系过嚟呢边，慢慢坐低倾下行程啦！发现金鸡广场呢边其实都几多食肆，可能因为咁样分散左啲客源嚟到呢度唔使等位真系好啦🥳呢度除咗有套餐之外，当然会有小食，所以我哋就嗌咗一个黑松露薯条，同埋其实我哋都多人嚟嘅，所以叫咗一个特色拼盘，有唔同嘅小食比大家拣，咁就啱晒啦。😁😁至于嘢饮，哇，一定要讲下！👻👻👻我哋本来谂住拣啲有特色啲嘅嘢饮，所以就叫咗啲特饮啦。发现呢度嘅嘢饮好特别，系用塔罗牌嘅卡名黎改名。不过后边有讲到明系用乜嘢材料黎整嘅，所以望住都唔会一头雾水，不过我望望下见到有一个好特别嘅嘢饮，个名叫做世界！原来系类似厨师发板嘅嘢饮版，所以每一次黎嗌都唔同架。咁我梗系黎试吓啦🤩🤩🤩结果今次嚟到嘅系海盐奶昔。甜甜地嘅奶昔加埋海盐嘅小小咸味，够晒吊味。个人觉得呢种特色饮品比起任何花茶更加特别，而且又唔使决定叫乜嘢嘢，咁啱晒懒人嘅我，推！😆😆😆特色拼盘其实都几多嘢食选择，有蜜糖鸡翼，春卷，日式炸饺子，丸同埋麦乐鸡。值得一提嘅系佢啲麦乐鸡加埋蜜糖喺上边。呢一个配搭十分之新鲜，平时系连锁快