Amitie Kitchen (已搬遷) 新店位置

系尖沙咀楼上舖发现左呢间环境似cafe既西餐店，叫左两个精选晚市套餐，前菜有包、是日餐汤（当日系椰菜花忌廉汤）、墨鱼仔拌辣肉肠沙律；我地叫左芝士BBQ酱烧猪仔骨（$198）同带子蘑菇意大利饭伴黑松露（$228）薯条即炸，热辣辣好脆口；Ribs都厚身大旧，上面有层厚芝士，两个人平均每人食到两条骨。酱汁有点儿偏甜，但整体不错👍🏻意大利饭有三大旧带子，将芝士同饭捞埋会每啖都食到浓浓芝士味，呢到既意大利饭系属于饭芯偏硬个种，食开淋身啲既朋友可能会嫌硬左啲啲～但呢到既staff好好，会主动问你觉得食物质素如何，仲几有笑容，值得一赞！