影片
更多
2024-08-04
1197 浏览
连续两日都特意坐巴士去帮衬添好运总店。地方环境干净，如果一人进餐，枱面有足够空间摆到四五碟点心，如果两个人可能就差少少。试咗新推出嘅其中两款点心，牛肉角同埋荔枝虾球。牛肉角馅料弹牙，酱汁似系加入姜葱嘅蒸鱼豉油，个人觉得酱汁同牛肉角不太配搭，汁味盖过咗肉馅味。鲜虾荔枝球偏甜，芝士溶酱拉丝，都OK嘅。叉烧包保持质素，牛肉球都弹牙好食，腐皮卷虾肉馅料弹牙腐皮香脆。楼面服务感觉不太好。两日都系非繁忙时间到店，第一日入座时，明明有个行行企企嘅楼面阿姨，睇住人坐底都冇俾张点心单张，亦冇主动招呼开茶。我坐好至少1分钟，终于忍唔住问有冇人帮我开茶，先有个阿姨走埋嚟，又系要食客主动提出先拎张点心纸俾人睇。第二日到店，开茶方面好少少，食咗几碟点心后，感觉茶水冻咗，掀开茶壶盖挂喺壶柄，想要楼面阿姨忙完加返热水，有返啲热茶水饮下，楼面阿姨行嚟行去忙完几转之后准备离开，都系冇细心观察到有食客喺茶水方面嘅额外需求。可能真心认为$6茶钱只配饮一壶茶？
地方环境干净，如果一人进餐，枱面有足够空间摆到四五碟点心，如果两个人可能就差少少。
试咗新推出嘅其中两款点心，牛肉角同埋荔枝虾球。
牛肉角馅料弹牙，酱汁似系加入姜葱嘅蒸鱼豉油，个人觉得酱汁同牛肉角不太配搭，汁味盖过咗肉馅味。
鲜虾荔枝球偏甜，芝士溶酱拉丝，都OK嘅。
叉烧包保持质素，牛肉球都弹牙好食，腐皮卷虾肉馅料弹牙腐皮香脆。
楼面服务感觉不太好。
两日都系非繁忙时间到店，第一日入座时，明明有个行行企企嘅楼面阿姨，睇住人坐底都冇俾张点心单张，亦冇主动招呼开茶。
我坐好至少1分钟，终于忍唔住问有冇人帮我开茶，先有个阿姨走埋嚟，又系要食客主动提出先拎张点心纸俾人睇。
第二日到店，开茶方面好少少，食咗几碟点心后，感觉茶水冻咗，掀开茶壶盖挂喺壶柄，想要楼面阿姨忙完加返热水，有返啲热茶水饮下，楼面阿姨行嚟行去忙完几转之后准备离开，都系冇细心观察到有食客喺茶水方面嘅额外需求。
可能真心认为$6茶钱只配饮一壶茶？
张贴
