楚撚記大排檔 (馬頭圍道) (已搬遷) 新店位置

武汉肺炎搞到而家出街食饭好麻烦， 所以我地而家多数都买外卖~ 今次响土瓜湾，外卖就紧系食楚撚记啦~ 之前食堂食， 都已经好好食，今次叫外卖， 真系想乜都叫晒返嚟食~我地落咗order, 隔咗阵先落去拎， 啱啱好！ 我地叫咗蜜椒薯仔牛柳粒， 金沙黄金白饭鱼，飞天通菜煲，椒盐九肚鱼同埋香煎黑松露手打莲藕墨鱼饼， 墨鱼饼爆好食， 我地仲order两份.我地自己再煲汤， 煮饭， 整鸭， 炒个菜， 食到超级饱~ 佢真系样样都好好食， 个墨鱼饼超好食，好有咬口， 又香~ 通菜够镬气，有d辣， 但系又唔太辣， 好好食！ 黄金白饭鱼又系， 超邪恶，条条都有满满嘅咸蛋黄包住， 真系好好食~ 佢其实真系样样都掂， 我地食过好多唔同嘢， 全部都好正 唔怪得之佢咁多外卖啦， 我地去拎𠮶阵，都见到好多外卖响度