影片
更多
2024-03-07
70 浏览
📍俊軒越南餐廳 (中環)中環永吉街36號永吉利商業大廈地下E號舖係漆黑嘅小巷裡，發現到呢間咁出色嘅越南餐廳，越南老闆娘親自打理，樣樣都令人讚不絕口，唔洗睇餐牌，求其點都好食👉烤牛肉沙律 💰$98😋😋😋😋.8/5濕立立嘅天氣搞到個人無嚟精神，食返個沙律開下胃，果然不負所望，大大份不在話，最緊要係個味好吸引，當堂打開我個味蕾，酸酸地又帶點辣，青瓜清甜爽口，最好味係個烤牛肉，非常入味，口感適中，好食到唔停得口👉海南雞 半隻 💰$118😋😋😋😋.9/5聽到有食客叫海南雞，老闆娘話賣哂，但可以等醃緊個啲，食客二話不說話幾耐都等，聽到呢句，我就覺得一定要食，即刻點半隻，等咗大約半個鐘，隻雞終於上枱，啖啖肉不特止，係超滑，又夠味，雞皮彈牙又唔油膩，點埋個海南雞醬更加惹味，真係必食，我可以講係我食過最好味嘅海南雞👉越式豬頸肉湯河 💰$78😋😋😋😋.8/5豬頸肉另上呢一點就已經加分，名副其實燒到外脆內脆，啲邊位燶燶地好香口，面層搽咗少許蜜糖，咬落肉質好juice。碗粉睇落好清，但飲啖湯就知係真材實料熬出嚟，每食一攝河粉就感受到個種鮮味散發出嚟，我連湯都飲埋👉香茅青檸梳打 💰$28😋😋😋😋.8/5食東南亞
中環永吉街36號永吉利商業大廈地下E號舖
係漆黑嘅小巷裡，發現到呢間咁出色嘅越南餐廳，越南老闆娘親自打理，樣樣都令人讚不絕口，唔洗睇餐牌，求其點都好食
👉烤牛肉沙律
💰$98
😋😋😋😋.8/5
濕立立嘅天氣搞到個人無嚟精神，食返個沙律開下胃，果然不負所望，大大份不在話，最緊要係個味好吸引，當堂打開我個味蕾，酸酸地又帶點辣，青瓜清甜爽口，最好味係個烤牛肉，非常入味，口感適中，好食到唔停得口
👉海南雞 半隻
💰$118
😋😋😋😋.9/5
聽到有食客叫海南雞，老闆娘話賣哂，但可以等醃緊個啲，食客二話不說話幾耐都等，聽到呢句，我就覺得一定要食，即刻點半隻，等咗大約半個鐘，隻雞終於上枱，啖啖肉不特止，係超滑，又夠味，雞皮彈牙又唔油膩，點埋個海南雞醬更加惹味，真係必食，我可以講係我食過最好味嘅海南雞
👉越式豬頸肉湯河
💰$78
😋😋😋😋.8/5
豬頸肉另上呢一點就已經加分，名副其實燒到外脆內脆，啲邊位燶燶地好香口，面層搽咗少許蜜糖，咬落肉質好juice。碗粉睇落好清，但飲啖湯就知係真材實料熬出嚟，每食一攝河粉就感受到個種鮮味散發出嚟，我連湯都飲埋
👉香茅青檸梳打
💰$28
😋😋😋😋.8/5
食東南亞菜又點小得叫返杯清新嘅青檸梳打，見呢到有香茅就揀，係第一次飲到有香茅味，以前去第間個啲叫香茅味嘢飲，只係得個樣睇，呢度係有樣又有味，老闆娘一啲都唔吝嗇，香茅同青檸都放多多，成杯嘢就好夠味，飲完清新又解膩
回頭：Yesyesyes!! 真係唔係講笑，樣樣都好好食，而且老闆娘勁好，聽到佢講佢個蟹肉湯底一定要試，下次都好想再嚟試！😍😍😍
张贴
