影片
更多
2021-03-16
968 浏览
屋企人钟意食卤味，呢日去开九龙城醒起同事讲过「镕记潮州饭店」嘅出品唔错，于是我就嗌咗个卤水拼盘返屋企当加𩠌😛，佢哋劲开心。卤水拼盘($118)，拼盘超丰富，一路食一路夹会发现更多唔同嘅食物🥢，当中包括鸡肠、猪大肠、猪头肉、猪颈肉、生肠、腩肉、红肠、猪耳、墨鱼、猪脷同鸡肾等...，如果数漏就恕我未能尽录🙈！底部仲垫有唔少大荳芽菜、豆卜同韭菜，全部都系索味一流嘅配菜。卤水味道唔会太咸，达到中庸之道，而且我最欣赏嘅地方系佢种类超多，就算唔食内脏都有其他选择。呢份「样样齐」掂啊👍！另外，佢仲提供辣椒油同卤水汁配嚟食。总括嚟讲，潮州菜馆唔系度度有，镕记或者会系一个好选择。今次净系食咗佢个拼盘，有机会想试埋其他菜式，睇餐牌同餐厅格局都比到人一种好传统同好正宗嘅感觉😄。
屋企人钟意食卤味，呢日去开九龙城醒起同事讲过「镕记潮州饭店」嘅出品唔错，于是我就嗌咗个卤水拼盘返屋企当加𩠌😛，佢哋劲开心。
卤水拼盘($118)，拼盘超丰富，一路食一路夹会发现更多唔同嘅食物🥢，当中包括鸡肠、猪大肠、猪头肉、猪颈肉、生肠、腩肉、红肠、猪耳、墨鱼、猪脷同鸡肾等...，如果数漏就恕我未能尽录🙈！底部仲垫有唔少大荳芽菜、豆卜同韭菜，全部都系索味一流嘅配菜。
卤水味道唔会太咸，达到中庸之道，而且我最欣赏嘅地方系佢种类超多，就算唔食内脏都有其他选择。呢份「样样齐」掂啊👍！另外，佢仲提供辣椒油同卤水汁配嚟食。
总括嚟讲，潮州菜馆唔系度度有，镕记或者会系一个好选择。今次净系食咗佢个拼盘，有机会想试埋其他菜式，睇餐牌同餐厅格局都比到人一种好传统同好正宗嘅感觉😄。
张贴
