影片
更多
2016-06-16
391 浏览
红葱头都曾经帮衬过，不过，就喺始创中心店，同朋友嚟食晏昼，但已经都几年前嘅事。𠮶次嘅印象普普通通咁啦，胜在够抵。今次再访，纯粹就一就亲友方便，拣番嚟西九龙中心店，其实，我都方便，食完搭几个站地铁就返到美孚 。餐厅嘅环境其实唔错，装修都见花咗唔少心思，一室木系枱櫈，又有啲仿砖墙，当中有唔少熊仔嘅摆设，挂画，明显就喺卖温馨，有一份家嘅感觉。再者，枱櫈安排得够宽敞，让人感觉舒适 。餐垫纸有一句咁嘅话：「饮食源自需要，品味源自要求」，又睇睇菜式嘅质素如何？餐厅本身对自家嘅出品喺咪咁有要求？最经济都应该喺点套餐，而套餐有几种类别，其中一款叫「品味晚餐」，足足有19款（$68-$135），丰俭由人，并奉送冷热饮品一杯，而鲜橙汁 / 汽水+$3，特饮+$16。此外，另可以优惠价加配其他美食，如西汤、沙律、小食、雪糕，最笋就喺升级要西汤加牛油法包，只需+$9 ，所以，我哋都喺叫上述晚餐，再升级加汤。另一类套餐喺「70年代怀旧铁板晚餐」，包餐汤、牛油法包、咖啡或茶，喺好传统旧式西餐厅套餐组合，共有8款定价$88-$128，卖点喺怀旧铁板，见隔离枱有点，咋咋声香烟四窜，几有旧时西餐厅嘅感觉。仲有一类
餐厅嘅环境其实唔错，装修都见花咗唔少心思，一室木系枱櫈，又有啲仿砖墙，当中有唔少熊仔嘅摆设，挂画，明显就喺卖温馨，有一份家嘅感觉。再者，枱櫈安排得够宽敞，让人感觉舒适 。
餐垫纸有一句咁嘅话：「饮食源自需要，品味源自要求」，又睇睇菜式嘅质素如何？餐厅本身对自家嘅出品喺咪咁有要求？
最经济都应该喺点套餐，而套餐有几种类别，其中一款叫「品味晚餐」，足足有19款（$68-$135），丰俭由人，并奉送冷热饮品一杯，而鲜橙汁 / 汽水+$3，特饮+$16。
此外，另可以优惠价加配其他美食，如西汤、沙律、小食、雪糕，最笋就喺升级要西汤加牛油法包，只需+$9 ，所以，我哋都喺叫上述晚餐，再升级加汤。
另一类套餐喺「70年代怀旧铁板晚餐」，包餐汤、牛油法包、咖啡或茶，喺好传统旧式西餐厅套餐组合，共有8款定价$88-$128，卖点喺怀旧铁板，见隔离枱有点，咋咋声香烟四窜，几有旧时西餐厅嘅感觉。
仲有一类就喺「二人套餐」，有3个唔同价位（$218、$228、$248），除开每人百零蚊，已包餐汤、餐包、沙律、主菜、餐饮，其实都几划算，可选嘅主菜类别亦唔少。
晚市仲有优惠，唔同日子有唔同菜式优惠，不过，就只限散点，可能未必人人用得着。
蘑菇忌廉汤 其实个餐汤算做得不俗，虽然菌味唔浓，但点都叫带有菌香，质感称唔上好细滑，但稀杰度啱啱好，至少唔会打到有粉粒。不过，件法包唔脆就一定要扣分。
芝士焗菠萝鸡粒蛋包红饭 $68 虽然二人套餐秤落最划算，但其主菜嘅选择无啱心水，再者，想一试师傅嘅手艺，小弟觉得品味晚餐中嘅蛋包饭及意大利饭就最能体验到。
个蛋包饭底喺菠萝鸡粒西炒饭，而且有几多菠萝同鸡粒，酸酸甜甜炒得几香，兼且大堆头份量十足，蛋面又加多一层芝士烘焗，自己味道又丰富啲；不过，要挑剔就喺揾唔到半粒红米，因为餐牌明明写住喺红饭，照道理无理由加咗茄酱炒就当红饭 ！此外，顶多叫「蛋冚」，因为晌好多日式西餐厅都喺可以做到「蛋包」，完完全全以蛋包住晒啲饭粒，再者，蛋皮实在太厚，收边亦做得「求其」，有啲似食西炒饭加煎蛋 。虽然小弟食嘢唔算好有品味，但都有少少要求。
黑松露深海带子黄金意大利饭 $98 唔知个意大利饭又做成点呢？意大利饭都几「虾」人做，生熟口感唔容易拿捏。
相比起道蛋包饭，个意大利饭却喺做得唔错，饭粒有咬口之余，唔会有种生米嘅感觉，饼内混入粟米粒（黄金），多添一份爽甜感。带子亦唔细粒，爽口软弹，下松露酱一啲都无手软，加入蟹籽就令外观更好睇 ，不过，如果松露酱改为跟意大利饭一齐煮唔知效果会唔会好啲？因为饭粒更香之饭，又唔怕好似依家咁抢咗带子少少鲜味。
清凉仲夏 $38（套餐价+$16） 亲友都喺贪新鲜、喜欢试新嘢之人，所以，本来拣普通茶啡嘅佢，见有啲特饮可以以优惠价转饮，就拣杯「清凉仲夏」，其实佢觉得杯特饮定价本身有啲贵，因为只喺单单橙汁沟咗啲薄荷，不过，优惠价换就不妨一试。
佢话睇见杯嘢都已经有种透心凉嘅感觉，搅匀之后，入口橙香渗出点点凉意，真喺几啱依家天口热嘅天气饮。
法式焦糖布甸咖啡 $38（套餐价+$16） 本身意属餐饮惯性要鲜奶咖啡，但小弟都唔执输，见有一款「法式焦糖布甸咖啡」，以前都饮过类似饮品，所以，就都改一改补钱要一杯试试。
不过，我觉得有啲流流哋，皆因唔知啲「法式焦糖布甸」喺指乜嘢，原先预期咖啡内可能有啲焦糖布甸粒，但饮完晒成杯又唔觉有 ；你话杯咖啡有焦糖味咩，又似乎唔多似，饮落就只喺似一杯冻嘅鲜奶咖啡而已，认真自作「葱」明。
事隔几年再嚟红葱头，虽然菜式上都加入咗啲做法较难嘅菜式，但水准无话有好大嘅提升。所以，环境、服务确喺唔错，只喺食物嘅水平仍停留晌港式西餐嘅水准。
张贴
