影片
更多
2009-12-30
1 浏览
30-12-2009一直对呢度的蟹乌冬及溏心蛋好有兴趣, 是日终于「忍无可忍」, dinner 时段一个人嚟试试. 不过坐低先知原来「今日无蟹呀」, 最后叫了另一款有「人气」label 的乌冬, 另加一只溏心蛋 ($8).散叫的溏心蛋 9 秒 9 有得食, "fresh" from the fridge? 蛋黄十分溏心, 卖相极靓, 不过食落又好似唔多够香甜, 仍是八千代 (http://www.openrice.com/restaurant/commentdetail.htm?commentid=1866291) 好 d; 蛋白就劲冻, 食落有点实, 不过比起中环𠮶间嘢 (http://www.openrice.com/restaurant/commentdetail.htm?commentid=2051343) 的同类出品, 呢度好得多! 店方亦送上一碗枝豆作前菜: 卖相麻麻,「外壳」软挞挞溶溶烂烂, 无「盐」的痕迹, 入面的豆则几硬, 唔够粉又唔香, 把鬼之作! 不过既然系免费的, 算吧.主食系蕃茄汤底的「极上牛肉乌冬」(好似 $56):- 蕃茄汤底色水粉粉红红的,
一直对呢度的蟹乌冬及溏心蛋好有兴趣, 是日终于「忍无可忍」, dinner 时段一个人嚟试试. 不过坐低先知原来「今日无蟹呀」, 最后叫了另一款有「人气」label 的乌冬, 另加一只溏心蛋 ($8).
散叫的溏心蛋 9 秒 9 有得食, "fresh" from the fridge? 蛋黄十分溏心, 卖相极靓, 不过食落又好似唔多够香甜, 仍是八千代 (http://www.openrice.com/restaurant/commentdetail.htm?commentid=1866291) 好 d; 蛋白就劲冻, 食落有点实, 不过比起中环𠮶间嘢 (http://www.openrice.com/restaurant/commentdetail.htm?commentid=2051343) 的同类出品, 呢度好得多!
店方亦送上一碗枝豆作前菜: 卖相麻麻,「外壳」软挞挞溶溶烂烂, 无「盐」的痕迹, 入面的豆则几硬, 唔够粉又唔香, 把鬼之作! 不过既然系免费的, 算吧.
主食系蕃茄汤底的「极上牛肉乌冬」(好似 $56):
- 蕃茄汤底色水粉粉红红的, 又好似有点混浊, 卖相认真麻麻; 饮落蕃茄的天然酸味突出, 不过味道几单调, 而且用金属锅 serve 都好似唔多够热, 麻麻哋喜欢.
- 乌冬: 标榜「手打」, 食落几滑溜, 叫几弹牙, 不过欠烟韧, 女人街𠮶间 (http://www.openrice.com/restaurant/commentdetail.htm?commentid=2046114) 好一点.
- 半生熟牛肉呈粉红色, 食落嫩腍, 肉味亦几浓, 五十几蚊有咁好质素, 不错㖞.
- 配料有蕃茄, 粟米, 蜜糖豆, 鸣门卷及洋葱, 仲有分开上的半边蛋... 最好食仍然系半边蛋, 虽然唔够味, 但够晒溏心, 都收货了; 粟米似足罐头货, 不过食落又几爽甜, 哈哈; 其他的就不值一提, 食咗都无印象...
Weekday 7:xx pm 小店系外长龙内爆满, 我一个人虽然容易揾位, 但坐喺 open kitchen 旁的 bar 位其实几迫夹, 食晒前面「炉端烧」的油烟之余, 后面又不停有人出出入入传菜 / 去厕所, 都咪话唔辛苦.
连加一齐头 $70, 是日睇得唔多打得, 其实无乜兴趣再嚟 -- 蟹乌冬, 有缘再见吧!
张贴
