Verde MAR (已結業)

当初想食呢个餐厅系因为佢门口嘅装修都几特别，墙身系以树林为主题，然后有只树懒仔咁。只系冇谂过佢哋嘅员工都系同树懒一样，见到人入嚟都懒得招待，同我讲多句嘢都好似嘥气咁，可能系佢哋嘅特色啦。不过无可否认佢哋嘅嘢食系几好食嘅。⚜️Birria Beef Stew 佢个汁系真系煮得好好，好浓嘅味道，感觉有啲似食紧红酒煮牛肉咁样，食之前会将一啲配料香草洋葱等等同埋墨西哥米放落去𠮶个汤到，识落就好有口感。啲饭索晒啲汁真系罪恶感超强啊，但好食就当然食咗先算啦。⚜️Fried Chicken 炸鸡偏就一般啦因为有啲感觉似煮过咗，有啲干，但系胜在够香口嘅，一共有5只，可以配埋茄汁一齐食。⚜️Quesadilla 呢一个呢就好似鸡肉薄饼咁样嘅，佢里面有好多配料，当中我最钟意嘅就系牛油果啦，好creamy,加埋香草洋葱等等，仲有鲜嫩嘅鸡肉。⚜️Avocado smoothie 呢个系我平时最钟意饮嘅牛油果奶昔，因为牛油果可以帮助减肥呀嘛🤟加上佢系新鲜即刻打出嚟，口感一流，超香浓。⚜️Chocolate ice 呢个系墨西哥版嘅朱古力，都系好香朱古力嘅味道，不过佢另外仲落咗一啲香料，所以我谂未必每个人都会钟意嘅。