四季文昌 (已結業)

今日同朋友两个人黎打边，好评明明266，晚饭时间，上到去竟然得几枱，都有点怕中伏，考虑左一阵，决定试一试。入座时见到窗口位仲有一枱吉既未有人坐，我地要求坐，著西装唔太高大既一位疑似男经理不太好礼貌地秒回「果到六人座，你地有冇6个人呀？！」但眼前坐梗所谓6人座既客人，都有2、3、4人，相反6人既就真系唔多见。我地再一次问呢个「经理」我地话「人地2、3人都可以坐」佢今次话「人地早黎呀嘛，果张我要留返比6人坐」我地话「呢到咁大，好多枱都可以坐6人㖞」「经理」态度好差咁问「一定要坐果到架咩？」。。。。。阿「经理」讲到咁，我地都明白点解附近食肆都排晒队，但得呢间咁冷清清。既然咁赶客，咁我地当然走人啦友人仲好好听咁同「经理」讲左句「我地睇过都系唔系好岩食」阿「经理」再次发出赶客态度，手一挥「系啦，走啦」😤😤😤如果张枱系已留座既，我地明如果窗口位枱枱都4位以上坐梗既，我地明如果唔系全场吉位既，我地都明 所以，我地真系明白，点解会冇人黎食