別忘了

营业中

休息中

餐厅位于太和广场，主打台式火锅，除咗有常见嘅肉类同打边炉配料之外更有一系列嘅特色台湾饮品、小食同甜点供应。装潢独特，打卡一流，仲有樱花树俾客人挂上自己嘅许愿签，感觉好正。店内环境唔大，卡位为主，服务态度友善，上枱同收碟速度快，而且会定期帮手加汤。汤底选择有台湾风味，店员推介芝士牛奶，据闻系香港唯一一间有，淡淡奶香味，另外有沙茶汤，味道偏浓，将面底放入去唔使点酱都食得。B套餐包含六品肉类，澳洲M7牛胸腹、澳洲250日谷饲卡乐Beef、精选牛板腱、日本鹿儿岛茶美豚梅肉、西班牙栗饲猪梅片同羊肉卷，肉质鲜嫩，集合不同口感同味道，老少咸宜。小食款式都唔少，充满台湾夜市风味，甜不辣、小鸡排、绍兴醉鸡、花枝丸、盐酥鸡、香肠、台南府城虾卷、麻辣鸭血、阿嬷金钱肚、地瓜薯条，个人首推春卷、榴梿炸弹、葱香饼、炸芝麻球、地瓜球、陈醋木耳同腌萝卜，炸至酥脆可口，馅料饱满，唔够饱嘅仲有卤肉饭同面食。平时打边炉都系去自助区攞蔬菜同丸类，呢度全部QR code落单，完全唔使郁动，菜品新鲜，丸类正常发挥，比较特别嘅有米血糕同炙烧芋泥宝。饮品款式多到夸张，梳打、奶茶、乳酸、茶品，极力推介巨版波波奶茶，甜度适中，珍珠咬落Q