川莊

营业中

休息中

间铺一开始见到觉得靓靓净净就同frd入左去食。结果由嗌野食开始就发现唔对路。个阿姐（May）自己唔专心听唔到我地讲野又系到躁，明明menu写住小辣中辣大辣，我地话要大辣佢就话你要几个辣椒？你自己餐牌咁写仲要躁我地？真系无理取闹。落完单两分钟上左口水鸡，凉菜可以预先整，上得快都算，食落都几唔新鲜唔知系咪摆左几日。五分钟后又上左毛血旺，正常咁大兜热菜微波炉都无咁快叮完喇系咪呀？咁都算。之后食食下，我个frd一路摆左支宝矿力系台，个阿姐（May）无啦啦行过来话，「呢度唔可以自带饮品㗎㖞你饮系要俾钱㗎」，我个frd由始至终都无㩔过支嘢，唔知佢咁样行过来系有咩问题呢，我地个个都呆哂，真系不知所谓。整餐饭都系麻麻地，味道偏咸，性价比超级低，三个人食左一份口水鸡，一份酸菜鱼，一份毛血旺，一份蔬菜，一份主食 咁都九百几，份量又唔系大，真心唔推荐！