椰仔冰室 (屯門鄉事會路)

营业中

休息中

开正喺新墟新落成店住宅下面，对正v city马路大街大巷。度度都叫冰室，唔系间间都做到冰室𠮶种水准。冰室唔驶多款拣，但多数都做好专注做靓𠮶几款食物，水吧亦有番咁上下。一望餐牌呢间比较似茶记多于冰室。炒蛋，还好，保留番啲蛋汁喺度仲系湿润；肠仔依然系𠮶种餐记必用咁滞嘅厨师鸡尾肠；蕃茄牛或沙嗲牛嘅牛都还好冇用过量松肉粉；加3蚊转嘅牛角酥硬弸弸冻冰冰，眼尾望到隔离水吧摆左堆透明独立包装嘅牛角酥，多数都系工场货，唔怪得。饮品冇特别香浓，自己𠮶杯拣咗比较正气嘅西洋菜蜜都好淡。食紧时成日有三四只乌蝇喺附近飞或停留滋扰住，冇装灭虫灯。唔可以用冰室把尺度佢，用普通茶记就算，反正价钱算系平㗎喇。10点食完出大门仲见成堆人排队等外卖等入座。