Drunkerland

营业中

休息中

临近暑假尾，honey每日都要超时工作去赶工，周四晚亦只能抽空一小时短聚。由于时间有限，两口子就决定喺酒吧「Drunkerland」共渡欢乐时光 。傍晚六点，店子已五成满座，客人开心畅饮，气氛极之欢乐。眼见肥哥哥正摆出独家发售o既自家精酿啤酒推介黑板，小肥即立心要一尝「香港赤柱」风味 。小店饮品餐牌及食物餐牌均有两页，合共四页。自家品牌啤酒「香港赤柱」属生啤，欢乐时光每杯$60。微甜o既港产啤酒味道带有果香，清新消暑。 胃口唔大o既honey简单叫咗客「烧鲭鱼」当晚餐。佢激赞鲭鱼香口惹味，鱼肉幼嫩可口，真系估唔到一间细细o既酒吧居然烧得比坊间o既日式料理还要出色 ，$68可真为超值之选。小肥仲有下场，所以就点咗客「蒜蓉牛油鸡翼」黎送酒。喺暗黑o既环境难以捕捉天然光影相，故小食o既相片质素唔系咁好，还望大家见谅。热辣软嫩o既鸡中翼蒜香味香浓，每件都同样炸得松脆干身，一客有六大件，$68真系抵食 。小本经营o既「Drunkerland」主打清香易入口o既自家制生啤「香港赤柱」，店中隐世o既肥哥哥更能煮出美味o既小食，有心又出力，难怪二人七时前离开，小店已座无虚席，加油 ！