影片
更多
2016-03-11
786 浏览
亲戚中，有其中一个表姨甥女喺窝夫迷，所以，打算嚟Waffills大叹全比利时窝夫宴，一问佢，佢就肯定一「夫」百应啦，又点可以唔预佢呀 ！不过，话全窝夫宴又似乎有啲夸张，只喺一次过品尝前菜、主菜、甜品3款带有窝夫元素嘅菜式而已。店内装潢简洁，黑与白，仿砖墙，最引人眼球喺近厨房位墙上嘅黑白、彩色照片，一张又一张窝夫美食照，状甚吸引，不过，都唔使羡慕，等阵我哋都可以尝到多款窝夫美食 。但喺，相信基于租金昂贵嘅关系，铺仔细细，就安排咗14个位，枱櫈排得颇密麻，餐枱亦都较细，不过，幸而侍应非常醒目，逐道菜逐道菜慢慢上，免得一枱都喺嘢摆都摆唔落 。晌门口见到店家应该最近嘅推广喺「馒头窝夫汉堡」，不过，小弟就稍为钟情另一款咸食嘅「暖心窝夫」。一大张过胶餐牌，显示晒各类出：窝夫烤饼沙律、暖心窝夫、馒头窝夫包 、鲜果甜心窝夫、多款窝夫甜点、各式饮品……等等，创新有心思，惊喜满fun。 窝夫烤饼沙律配香烤鸡肉 $88 究竟喺窝夫，定喺烤饼？点解会叫窝夫烤饼呢？口味上，有香烤鸡肉、烟三文鱼及巴马火腿可供选择，后两者都喺即切现成材料，所以选鸡肉，睇到佢哋煮嘢嘅手势。个沙律都几丰富，沙律菜中仲添加
店内装潢简洁，黑与白，仿砖墙，最引人眼球喺近厨房位墙上嘅黑白、彩色照片，一张又一张窝夫美食照，状甚吸引，不过，都唔使羡慕，等阵我哋都可以尝到多款窝夫美食 。但喺，相信基于租金昂贵嘅关系，铺仔细细，就安排咗14个位，枱櫈排得颇密麻，餐枱亦都较细，不过，幸而侍应非常醒目，逐道菜逐道菜慢慢上，免得一枱都喺嘢摆都摆唔落 。
晌门口见到店家应该最近嘅推广喺「馒头窝夫汉堡」，不过，小弟就稍为钟情另一款咸食嘅「暖心窝夫」。一大张过胶餐牌，显示晒各类出：窝夫烤饼沙律、暖心窝夫、馒头窝夫包 、鲜果甜心窝夫、多款窝夫甜点、各式饮品……等等，创新有心思，惊喜满fun。
窝夫烤饼沙律配香烤鸡肉 $88 究竟喺窝夫，定喺烤饼？点解会叫窝夫烤饼呢？口味上，有香烤鸡肉、烟三文鱼及巴马火腿可供选择，后两者都喺即切现成材料，所以选鸡肉，睇到佢哋煮嘢嘅手势。
个沙律都几丰富，沙律菜中仲添加咗蕃茄、青瓜、甘笋丝、青橄榄、洋葱及忌帘芝士，伴上自家制苹果面豉沙律酱，似似哋常食到嘅油醋，味道清新得嚟又有少少甜味，颇得意；而其他材料又食得出好新鲜，如沙律菜，爽脆非常，蕃茄、青瓜都好新鲜。香烤鸡肉嘅做法带点日式，煎得外皮几焦香，肉质又唔嚡，糁上少许芝麻，整体味道又真喺几好 。
窝夫烤饼沙律配香烤鸡肉
$88
20 浏览
1 赞好
0 留言
比利时佛兰德风味猪肉暖心窝夫 $62 暖心窝夫有两款口味：印度马萨拉风味鸡肉及比利时佛兰德风味猪肉，由于沙律要咗鸡肉，个咸食窝夫就顺理成章拣猪肉。
暖心窝夫以纸盒装住，中间位纸条拉开就可以将纸盒打开，焦香嘅窝夫就呈现眼前，切开就见到窝夫内塞满手撕猪肉，猪肉咸咸香香，极之惹味，而且以手撕制作，非常有咬口，再者，窝夫有蛋香，两者配合真喺好好食 。不过，温馨提示吓，咪睇佢个外观平平无奇咁，一放入口就知佢有几热辣辣，小心食，咪熨亲。
比利时佛兰德风味猪肉暖心窝夫
$62
27 浏览
1 赞好
0 留言
焦糖杏仁布鲁塞尔窝夫配香蕉焦糖饼干雪糕 $65 作为焦糖死粉，二话不说就相中依一款甜点，当然有假咨询问过表姨甥女，哈哈。晌餐牌里，会有两个价钱，初头研究过餐牌睇极都唔明，侍应解释喺选择雪糕球嘅分别，平嘅喺拣本地雪糕，贵嘅喺拣比利时雪糕，啊！原来如此，仲以为喺份量嘅分别。此外，另有额外配料添加，如额外雪糕球、新鲜生果、酱料……等等。
先唧上焦糖酱，再放下一大块长形窝夫，简单洒上糖霜，配上香蕉焦糖饼干雪糕及杏仁碎，就成为我哋最后嘅一道菜。窝夫入口十分之脆，质感极为轻柔，好似一朕风，富蛋香，沾一点焦糖酱，放啲雪糕上面，再搽少少忌廉，一啖入口冷冷暖暖嘅感觉真喺无得弹 。况且，个香蕉焦糖饼干雪糕确喺正，香甜有蕉香味，雪糕内有点点饼干碎，食得过瘾 。
焦糖杏仁布鲁塞尔窝夫配香蕉焦糖饼干雪糕
$65
26 浏览
1 赞好
0 留言
甜点又点可以唔配杯热饮，小弟一望个餐牌就已经好想试佢哋嘅焦糖杏仁雪糕咖啡，至于表姨甥女就钟意热食窝夫配冻饮，一杯奶昔就最啱佢。
焦糖杏仁雪糕咖啡 $38 杯雪糕咖啡嘅面层唧上忌廉，加上焦糖浆，再撒上杏仁碎，卖相认真吸引。基本上佢喺杯Affogato，浓缩咖啡加云呢嗱雪糕，但卖相再做得靓仔啲。大可先捞底滔啲雪糕试试，夹杂咖啡及忌廉，感觉唔错。再搅匀后，由于既有雪糕，又有忌廉，所以入口好滑溜，却仍不失咖啡香味。
香蕉朱古力奶昔 $38 虽然无亲身试过，但听表姨甥女讲，口感顺滑，朱古力味浓郁，唯独香蕉味比较弱，再加强啲就够晒平衡。
今晚所试到嘅几款窝夫菜式，的确各有特色，咸甜皆出色。不过，始终地方浅窄，亦不宜坐太耐，幸而饭市时段客唔多，可以慢慢坐，悠闲食！
张贴
