歐意餐廳 (已結業)

今日黎到上水行下街，路过见到依到几多人食，就入去试下。等位时间唔太耐我地叫左一份铁板餐、蛋包饭同一份小食拼盘。 先讲铁板餐，我地点左半边白汁芝士龙虾拼烧羊架。跟餐有一份蒜蓉包，蒜蓉味香浓。铁板餐亦可以拣配饭、意粉同薯菜。餐汤方面我地拣左南瓜汤。南瓜汤香滑，淡淡嘅南瓜香味清新宜人。平民价钱食到大只龙虾的确抵食，龙虾肉鲜甜爽口，调味略有少少咸，但尚可接受。白汁浓郁配埋龙虾非常好食。但上菜嘅时候冇配备食龙虾嘅工具，食落有啲麻烦，但不削对龙虾嘅享受。羊架冇羊膻味，上菜嘅时候唔会太熟令羊肉失色，不过接受唔到太生嘅朋友可能要另外要求厨房煮熟啲。加埋酱汁都唔会太油，酱汁亦都冇遮盖肉味。羊架亦都唔细份，一个人食非常有余，建议唔大食嘅朋友可以唔配饭意粉，因为真系非常大份！蛋包饭方面我地点左吉列鱼柳蛋包饭，蛋皮薄，蛋煮得滑。茄汁份量适中，唔会太多，抢走酱汁嘅风头。蛋白饭特调嘅酱汁配饭非常好食。鱼柳外层炸得酥脆可口，内层肉嫩。而且非常大份。蛋白饭整体唔错。小食拼盘有炸鸡、洋葱圈同薯条。三样都最好趁热食！炸鸡肉爽口惹味，调味适中，点埋茄汁就非常完美。洋葱圈外层酥脆，中间嘅洋葱仲有汁，唔会炸到太干。薯条方面都非