祥興記上海生煎包 (樂道)

营业中

休息中

招牌生煎包 (4件) $38祥兴记嘅生煎包sell「底脆、皮薄、多汁」，三大卖点好似好吸引咁，但实际做到嘅得「多汁」。生煎包底系焦黄色，但系！佢咬落硬到卡卡声，加上包嘅收口位喺底部，所以个底又厚又硬，牙力弱啲都咬唔开。生煎包皮嚟讲，厚薄度系薄嘅，但系厚薄多少系一个相对嘅概念。馅分量其实偏细粒，一食落去，皮嘅存在会好容易被放大，所以整体嚟讲，皮话薄唔薄，话厚唔厚。多汁！的确多汁，我谂住咬一半，以为啲汁会喺个口到爆出嚟，点知佢反其道而行，向外面爆汁，我条裤成功饮晒啲汁。新鲜猪肉的确系唔同啲，肉味浓，但真心馅少😢网页写$34，但我真系恭喜你，因为呢到系尖沙咀，所以平均每一只生煎包加多$1，一只生煎包$9.5，差唔多10蚊一只。相信去到呢到，你哋都感受到我嘅愤怒值，我俾佢个「2016年米芝连推介」欺骗咗，以为会好出色，点知佢失晒色。