祥興記上海生煎包 (樂道)

营业中

休息中

我在app上選的自取，備註了走蔥，並且套餐裡包含生煎包、面和檸檬茶。我拿走了包裝袋走回家，打開一看，非常無語，因為我點的飲品沒有放，並且生煎包和面裡面都放了蔥！這是對顧客的不滿嗎？我能理解生煎包的蔥是必須要加的，但是面裡的蔥和我的飲料都是因為工作人員的疏忽！我很憤怒，我要求直接給我退款，因為這讓我心情很糟糕不想吃這家餐廳，但是他們拒絕退款，說重新做一份，總之就是不接受退款。這裡的工作人員的服務質量真的很差。

我好鍾意食上海生煎包，近近地去尖沙咀祥興記，米芝蓮店味道唔錯又超爆汁😋 好感動🥰 下次搵機會食原味Had huge cravings for Shanghai food, in particular Shanghai Pan Fried Bun. Flavourful meat filling and broth. The bottom was burnt with crispy crunch. Will definitely come back.#重遊香港

呢間好出名嘅祥興生煎包，仲有米之蓮必比登加持。11點半左右去到，已經有好多遊客排緊隊。等左大概10分鐘，終於到我啦，揀左招牌同黑松露小籠包，叫招牌以外嘅味道通常要等2-3分鐘，都好快攞到。自己加少少醋，又夾又解膩。啱啱拎上手好辣手，要等一等先食到。一咬開有裏面好多湯汁，一唔小心就漏晒出嚟。佢嘅皮係類似煎餃皮，唔係用饅頭果種麵團，所以比較薄。個底煎到好焦脆，裡面嘅肉就唔算大粒，調味都算恰當，亦都唔算太油膩，但就無咩好深刻嘅印象。黑松露生煎包嘅味道都幾出，明顯食到黑松露味。我覺得佢最特別嘅係薄皮生煎包有好多湯，有別於傳統生煎包，而且係人生即包即煎，唔同出面入貨嘅生煎包。但係我覺味道又未至於好驚喜好想再食嘅感覺。

原味山煎包就非常極之好食 成粒啪入口一咬好似有半碗湯爆出黎咁 再加上掂住煎pan 果邊煎到脆 咬落又爽口又有湯嘅味同濕濕地 又好吞又好味道但個擔擔面完全唔入流 第一 根本唔係面 係米線 浸到脹果隻 第二個湯稀到好似水咁 又冇花生醬 引冇味 好似清水米線咁 我都係合埋眼狼吞虎嚥算 以後都會繼續幫襯 因為原味山煎包真係超好食 但應該只會當lunch 小食加料 因為根本冇可能喺依間鋪食到飽性價比最高應該係一盒6隻果個原味山煎包 另外醋就唔建議落 原汁原味係最好的

小編試過幾隻味，最好食都係招牌生煎包！⚠️⚠️⚠️注意要非常小心地食⚠️⚠️⚠️⚠️會爆噴汁喔，或者大口食會辣嘴喔⚠️最小心食法係係頂咬一小口，吸晒d湯汁等冇咁熱再咬個肉肉🙈呢個生煎包冇得頂😋超多肉汁湯汁，好鮮而且個底做到好脆即買即刻有得食唔洗等雖然少邪惡，但非常好食！周圍都唔少旅客慕名而來～可見米芝連之名並唔係浪得虛名😎

順路經過見到櫥窗啲生煎包好吸引就買咗四個試😍買完之後果然好食，喜出望外！生煎包（$40/4件）個皮好薄，啲餡好足！🤩同埋一咬落去啲肉汁係噴晒出嚟，大家食真係要小心啲，唔好好似我咁樣，焫親自己🤣總括嚟講真係幾推介嘅，雖然價錢唔係好平，但係咁嘅質素非常滿意🫶🏻

返工日日諗食咩好，真係諗到好煩惱同同事仔研究完，就決定食下呢間祥興記上海生煎包，其實之前都有食過佢生煎包的，的確是幾出色，包皮脆脆地輕有咬口，幾有口感，而且包皮入面嘅肉汁亦相當之多，一咬落去就好多好多肉汁標哂出黎，溫馨提示，要唔好太熱果時食，唔食一咬落去爆汁出黎果下，就有機會會燙傷😂(認真的)當日係在外賣平台下單的，外賣自取會有8折，叫左個蔥油撈麵配招牌生煎包，飲品有豆漿，個蔥油撈麵都唔錯，味道恰到好處

簡單的美食，簡單的平價食物，無計今日收早，細姐至愛，人仔細細一個人食一客4隻，車程約30分鐘，返到去已經和暖，依然好食，有上海感覺，由個皮開始，絕對不是包點皮，爆湯，底就已經不脆，熱食底脆好食好多，疫情下點夠膽响街食！

未食過一隻甘咸嘅生煎包🤢咬第一啖，我以為我錯覺，咬第二啖先反應到真係好xx咸，我買左4隻，食左2隻都頂唔順掉左佢直頭咸到苦😵食完超口渴，飲成支水都搞唔掂，好似落咗成斤鹽甘😵‍💫 仲有呀，我係系網上外賣平台叫你地外賣咖，個小雲吞標明係10隻咖，但剩係得有8隻雲吞😑😡Btw,少2隻唔大問題，可唔可以改善下，唔好甘咸呀你，食完你隻包個口乾到除咗水我乜都放唔入口喇😮‍💨😮‍💨😮‍💨😮‍💨😮‍💨😮‍💨

招牌生煎包 (4件) $38祥興記嘅生煎包sell「底脆、皮薄、多汁」，三大賣點好似好吸引咁，但實際做到嘅得「多汁」。生煎包底係焦黃色，但係！佢咬落硬到卡卡聲，加上包嘅收口位喺底部，所以個底又厚又硬，牙力弱啲都咬唔開。生煎包皮嚟講，厚薄度係薄嘅，但係厚薄多少係一個相對嘅概念。餡分量其實偏細粒，一食落去，皮嘅存在會好容易被放大，所以整體嚟講，皮話薄唔薄，話厚唔厚。多汁！的確多汁，我諗住咬一半，以為啲汁會喺個口到爆出嚟，點知佢反其道而行，向外面爆汁，我條褲成功飲曬啲汁。新鮮豬肉的確係唔同啲，肉味濃，但真心餡少😢網頁寫$34，但我真係恭喜你，因為呢到係尖沙咀，所以平均每一隻生煎包加多$1，一隻生煎包$9.5，差唔多10蚊一隻。相信去到呢到，你哋都感受到我嘅憤怒值，我俾佢個「2016年米芝連推介」欺騙咗，以為會好出色，點知佢失晒色。

我晚上溜达的时候路过，之前就看有同学点外卖，点到了这个感觉不会太差，本来想选择一下点哪个，后来店员告诉我说，除了招牌生煎包别的全部卖光，我就点了一份他家的招牌，拿到家之后，感觉他们家的生煎包汤汁浓郁肉很多，外皮属于是酥脆和软糯的结合，算是比较满意的。

每次去尖沙咀， 一定特登去樂道祥興記買生煎包， 未是疫情時， 會現場即食不外賣。現在只有外賣回家， 坐巴士回家途中， 車上都聞到生煎包氣味。疫情以前試過偷在車食一粒， 嘩， 又熱又燙， 一咬d汁噴到周圍係， 至次怕怕車上偷食了買了原味招牌生煎包， 麻辣生煎包，麻醬菜肉餛吞.招牌生煎包 ~ 保持過往9成水準， 只是煎得比較乾身， 底皮硬左d.☺麻辣生煎包 ~ 唔係太麻辣， 如果可以再麻辣香辣d會更好味。😗麻醬菜肉餛吞 ～ 皮厚， 可能不是即食， 要外賣一小時才帶到回家， 槳晒，皮又厚， 好難食。麻醬又唔香， 以後唔再買。總評： 6・5分 【原本8分】但麻醬菜肉餛吞 真的太差， 扣左1・5分

想食生煎包/窩貼類既時候都會諗起附近既祥興記，次次黎食都係揀返佢既招牌生煎包~ ($3x)提醒大家：超  級 多 汁 ！一口咬會爆射出黎，所以我通常會先咬一啖，啜減d肉汁先繼續食會方便d (除非你可以一啖啪晒入口，但係小心入面真係好熱……)買咁多次生煎包，祥興記每次出品都係咁穩陣，多汁多陷，外面脆口，熱辣辣新鮮煎起。 食完4大粒幾已經好飽，試唔到其他野 haha，不過食完feel到都有d頸渴(應該有d味精)未試過既，真係可以試下，推介~ 👍🏻👍🏻👍🏻咬左一半太熱放返低，啲肉汁漏晒出黎個紙盒上🤣🤣🤣

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝐻𝑜𝓃𝑔 𝒦𝑜𝓃𝑔今日特登過嚟試佢哋嘅招牌生煎包，買嘅時候都唔算多人喺度等緊，六隻生煎包係用個紙盒裝住嘅。外賣到返屋企嘅時候呢生煎包仍然係熱嘅。一咬落去，啲汁即刻爆曬出嚟。生煎包嘅皮呢都算薄，而入面嘅餡都好充足，勁似上海食到嘅味道。食完六隻已經好飽啦。🥰🥰🥰📍祥興記上海生煎包（樂道）樂道48號地下6A號舖

為咗下次上堂有好啲表現，呢日襯home office可以準時收工，我呢個懶鬼居然主動去練水🤪 離開 #泳池 已經係八點幾，個肚鬼咁餓，咁啱經過「祥興記」，大大張廣告相影住啲 #生煎包，睇落都幾吸引🤤 呢晚一於食佢🤩#樂道店 嗰座大廈不停裝修，舖面呢兩年都係圍住棚架，今日去到嘅時候，行上鋪位嘅樓梯被扻得溶溶爛爛，一唔小心就好易跌倒🤔 講返啲生煎包，品質都唔錯💙 食嘅時候要細細啖咬落去，慢慢將啲 #湯汁 啜出嚟，雖然係肥咗D，不過真係好鮮味🤤 雖然成間舖無枱無櫈... 不過一餐半餐是但啦😉 但係突然有兩個 #大叔 除晒口罩走埋嚟食煙，仲似乎同啲 #店員 好熟咁🤔 唉 佢哋都唔出聲... 我又可以點反激呢？唯有快快脆脆食埋咪走人囉👉🏻👈🏻