瀛喜日本料理 (已結業)

不论系酒店自助餐定系日本放题，食得任食就一定要多选择! 今次呢间瀛喜喺呢方面真系冇令我失望~好出奇地今次食得最多嘅唔系我最爱嘅天妇罗，反而系寿司佢嘅寿司真系好多款式，每嚿都比平常食开嘅细，咁就可以试多啲唔同款啦最钟意系佢嘅元贝寿司同埋牛肉寿司，特别欣赏嘅系元贝上面嘅酱汁，甜甜地同主菜好夹，令到个鲜味好出，而且呢度嘅饭都做得几实净，唔会一夹就散。牛肉寿司唔似平日出面食果啲淡而无味嘅牛肉，佢真系好有牛肉味，再加少少葱花，睇落靓之余又好食!不论反卷、手卷、普通寿司定军舰，好少见到有放题会咁focus去做咁多款嘅寿司，虽然话寿司易饱肚，但系好食又不妨多食~ 反观番平日钟意食嘅天妇罗，虽然唔会话炸粉落得太多，而且虾鲜、蕃薯甜，但系炸得唔够脆，冇咗果种天妇罗嘅质感，系我今次舍弃天妇罗转食寿司嘅原因之一~