十三少酸菜魚 (已結業)

冇得返大陆好挂住酸菜鱼😩行经大角咀谂紧食乜嘢之际，见到有间酸菜鱼，见冇咩人马上入去。佢哋嘅餐牌好简单就咁一张过咗胶嘅餐牌，款式唔多，呢度主打就系食酸菜鱼，其余有口水鸡、炆牛腩、另外有几款小食嘅系青瓜、皮蛋、土豆丝就咁多！因为得两个人嘅关系叫咗一个酸菜鱼加宽粉，冇得拣几辣，得辣定唔辣你拣，我个人觉得辣度岩岩好，唔会好重味，食到鱼既味道，亦都唔会好油，份量都几多唔会好少鱼。另外叫左口水鸡同一个皮蛋。口水鸡花生味好重，再沟埋麻辣超正，忍唔住叫左个饭。