紅椒力量 (已結業)

同男朋友系v city行街，一楼有好多间食店，红椒力量e间店睇落格局几好，几有风格，就试下e间! 两个人冇叫到Dinner set，反而叫左自己想食ge野，两个人食到饱饱，300都唔洗!我地叫左冬荫功汤，春卷，串烧拼盘，海鲜炒金边粉，仲有红豆奶茶。一定要大力推ge系冬荫功汤! d料多到唔似汤😂 心里兴幸冇叫多个粉面。。样样野食份量都好多。。冬荫功汤味道浓得黎唔系好辣，饮落唔“确“喉，好多好多菇，虾，蚬肉。。。 边饮边食。另外我觉得最好食系春卷，炸皮好薄，好脆口，加上佢个酱甜甜酸酸甘好特别好开胃，食落好似有d梅ge 味道。唔错!至于串烧都好味，唔会好干，个酱好正，浓花生味，但又唔会好“杰“。如果唔点酱食就只有本身肉ge味。总括而言，今次晚餐食物质素几好，可以再 encore!