櫻之滙素食料理 (已結業)

睇IG先知樱之汇做到6月尾就唔做，所以就特意走去食晚饭。鸳鸯香酥乳酪卷 ($68/ 8件)2款卷物嘅馅都一样，有青瓜、炸猪扒、红色类似酸萝卜嘅渍物 (我成日系素食店嘅寿司见到，但唔知叫咩)，绿色嘅卷物表面撒有海苔，而棕黄色嘅卷物表面就系素肉松。卷物表面嘅乳酪酱有好浓嘅wasabi味，整体味道好丰富。蕃茄浓汤田园饺子 ($48/ 碗)我好钟意佢呢到嘅蕃茄浓汤，酸酸甜甜好开胃，虽然我唔知有冇落到味精，但我都有饮咗几啖。饺子嘅馅料主要系椰菜同粟米，饺子皮同椰菜都煮到好淋，我觉得饺子皮再硬身少少会更好食。杂菜蕃茄肉丸焗意大利面 ($78)我觉得呢碟意粉比之前食嘅大碟咗，佢系肉酱意粉加杂菜同肉丸，杂菜有菜心、白菜同西兰花。肉丸好香菇味，口感较结实同韧。