燒肉ONE

营业中

休息中

呢排流行食一人烧肉，胜在性价比高份量唔需要太多满足一人享受。今日去铜锣湾发现呢度有间新开嘅一人烧肉排晒长龙好受欢迎，我哋都唔例外。入面座位都好多，所以等候时间唔会太长，大约15分钟就已经入得。我哋要咗一个c餐牛胸腹加五花腩，同I餐牛小排加牛板键。小食有日本枝豆，再加焦糖布甸。食日本烧肉点少得饮啤酒我哋都要咗两罐日本啤酒啤啤佢。同额外加咗海鲜三宝，包括大虾、帆立贝同甲罗烧。同埋呢间特别之处系如果你唔钟意食烧肉嘅话，可以转食日本寿喜烧都冇问题，所以种类都较弹性可以随意配搭。肉类都比较新鲜，枱上面有好多唔同种类嘅酱料任君配搭，油脂分布平均充满肉汁，再配埋个温泉蛋，紫菜白饭非常惹味。其中一款转咗做生菜包住啲五花肉一齐食，简直系完美配搭。而最期待嘅海鲜都冇令我哋失望。甲罗烧嘅蟹膏非常多，仲可以自制蟹膏捞饭非常有惊喜，虾肉同帆立贝肉质新鲜十分弹牙，咁嘅价钱绝对物超所值。