日本野 (已結業)

同妈咪2 个行街街, 行到肚饿就带咗佢去食佢最钟意嘅 ❥⧽日本野 ❥⧽。𓊈精选角切鱼生丼𓊉丼饭上面舖满唔同嘅鱼生粒粒, 有三文鱼, 蟹籽, 八爪鱼, 北寄贝, 油甘鱼, 鲽鱼, 蟹柳同甜蛋。三文鱼, 油甘鱼同鲽鱼都好新鲜, 充满油脂。八爪鱼同北寄贝好爽口, 唔会觉得韧。𓊈三文鱼刺身𓊉三文鱼几厚身, 食落真系好肥美呀。𓊈蟹籽沙律𓊉份量都几多, 蟹柳系原条而唔系切成丝, 青瓜丝好爽口, 捞埋一齐食, 正。𓊈火炙三文鱼寿司𓊉三文鱼烧到好香, 放入口油脂感 up up!𓊈追加 ✧ 厚烧鳗鱼玉子𓊉玉子好滑呀, 侧边有个黑松露沙律酱可以蘸嚟食, 成件事个口感层次提升咗。✧✧ 餐厅职员好attentive, 有需要都好快嚟帮忙, 平日夜晚都几多人食, 如果去食嘅一定要 book 位呀。