影片
更多
2020-11-08
219 浏览
沙田围交通公园个圈里面一向有几多好野食，今日行开先发现原本𠮶间外卖小食店变咗做呢间“豆乳狂人”。招牌唔同咗，好抢眼，但系都系买豆腐花同豆奶制品嘅。见餐牌唔同咗同埋都几多人买，决定试试呢一间。佢基本上全部餐牌都系同豆有关嘅，有豆乳嘅饮品，豆腐花，芋圆，甜品，一支支嘅豆浆，甚至有腐乳买😂首先见佢几特别摆咗一个display出黎，就拣咗呢个豆味芝士奶盖豆乳茶（$35），最受欢迎嘅都系呢一只。奶盖上边有四粒白玉丸子，配黄豆粉几好食，之后个奶盖原来都系用豆乳整嘅，唔会太甜，冇普通芝士奶盖𠮶阵浓腻嘅味道，好特别，真系值得一试。下面就系豆乳布丁同茶，布丁每啖都食到好多。呢个真系值得推介！好好饮。朋友就叫咗奶盖豆乳布丁烧仙草（$30）佢同上面𠮶个嘅分别就系多咗仙草同冇咗四粒丸子，都系同一款嘅底配唔同配搭。睇吓个人钟意饮边款。招牌豆腐花就叫左芋圆豆腐花（$25）。唔会太甜，芋圆烟韧，豆腐花都好滑。另外一个值得推介嘅系椰奶多芒小丸子（$35）。佢系椰奶底再加西米同埋小白丸子，仲有芒果粒同芒果片。份量好大碗，芒果都够晒诚意！芒果肉好多，唔系剩系得几Pat芒果汁，捞埋成碗好好食。呢个值得encore。之后就再
佢基本上全部餐牌都系同豆有关嘅，有豆乳嘅饮品，豆腐花，芋圆，甜品，一支支嘅豆浆，甚至有腐乳买😂
首先见佢几特别摆咗一个display出黎，就拣咗呢个豆味芝士奶盖豆乳茶（$35），最受欢迎嘅都系呢一只。奶盖上边有四粒白玉丸子，配黄豆粉几好食，之后个奶盖原来都系用豆乳整嘅，唔会太甜，冇普通芝士奶盖𠮶阵浓腻嘅味道，好特别，真系值得一试。下面就系豆乳布丁同茶，布丁每啖都食到好多。呢个真系值得推介！好好饮。
朋友就叫咗奶盖豆乳布丁烧仙草（$30）佢同上面𠮶个嘅分别就系多咗仙草同冇咗四粒丸子，都系同一款嘅底配唔同配搭。睇吓个人钟意饮边款。
招牌豆腐花就叫左芋圆豆腐花（$25）。唔会太甜，芋圆烟韧，豆腐花都好滑。
另外一个值得推介嘅系椰奶多芒小丸子（$35）。佢系椰奶底再加西米同埋小白丸子，仲有芒果粒同芒果片。份量好大碗，芒果都够晒诚意！芒果肉好多，唔系剩系得几Pat芒果汁，捞埋成碗好好食。呢个值得encore。
之后就再买左两枝黑豆豆奶同麦芽豆奶，个包装都几有心思。同埋佢会问你落唔落糖，你可以拣唔落糖。我两支都加晒糖嘅，但系都唔会觉得佢好甜，而且豆香真系几浓，饮得出都几真材实料嘅。
总括嚟讲呢间外卖小食店都几正，佢啲豆乳制品质素几好同埋份量OK，对得起呢个价钱。唔怪得之外卖店来讲佢都算人流多。
张贴
