Running 燒 (已結業)

韩烧始终都系食任食最抵，而且呢个地理位置真系几方便，野食系QR code落单，就唔怕溜单啦。一开始都系少少地叫下牛肉，猪肉试下，再睇下边款肉好食D，再主攻个款肉。推介牛五花肉，佢系薄片黎 但系肥瘦分明，烧一阵就好快熟。除左基本酱，姐系烧汁之外，觉得点佢个盐酱都几好食~ 下一round 就主攻海鲜类，个人几钟意咖哩味鱿鱼，腌得好够味。虾都好大只架!! 熟食都一样出色~ 次次食韩烧都好钟意配水冷面，好清爽解腻，同埋佢细细碗，可以就岩自己个份量，唔洗浪费。另外，可以试埋佢个紫菜温泉蛋饭，捞埋再加片肉落去食! 好满足。佢既炸饺子都系我系咁refill既一样!!炸得好好食，唔系话出到黎就淋晒个种。食到尾店员会问要唔要雪条，简左经典口味既密瓜雪条作结。