滿屋日本料理 (已結業)

平时番工咁辛苦，偶尔都想食放题慰劳一下自己同放肆下！香港有唔少日式放题餐厅选择，今次就拣左位于铜锣湾嘅满屋。呢度嘅座位以卡位为主，坐得几松动唔会有压迫感，除左用纸仔任点嘅料理之外，大堂中间位置亦提供唔少冷盘例如冻虾、花甲、螺肉同埋沙律菜等等，仲有几款小食例如炸薯格、炸鱼皮同埋印度薄饼等。但我就对呢D前菜兴趣不大，因为想留番个肚试主菜！首先来一客刺身拼盘：三文鱼、带子、吞拿鱼、白身鱼薄切、甜虾同埋黄金鱿鱼。各款刺身都好新鲜尤其是三文鱼同带子！带子超大粒又新鲜又肥美。吞拿鱼最一般可以唔试。到我最期待嘅寿司🍣好贪心嘅我几乎餐单上每一款都点左！款式实在太多不能尽录，我最喜爱嘅几款包括：京葱三文鱼腩、火焰牛油蒜蓉三文鱼、火炙海胆蟹棒、盐烧左口鱼边、葱吞拿鱼茸军舰、海鲜火炙三文鱼卷、鳗鱼寿司等。呢度仲有得任点海胆手卷，食多几客都已经回哂本了！！另外点左几款热食同炸物，有银雪鱼西京烧、雪花肥牛锅等。我最爱竹笙瑶柱蟹肉翅，每碗入面都有大大旧竹笙，加入左麻油同红醋，食落有D似碗仔翅。肥牛锅嘅牛肉好嫩滑，配埋滑蛋一齐食好夹。炸物种类都几多，有炸鸡翼、吉列蚝、南瓜芝士波、紫心香芋丸、榴梿炸弹等。炸虾天妇罗层