Red Rice 米飯主題餐廳 (億利工業中心)

营业中

休息中

之前有黎过食早餐同下午茶，晚餐未试过。我觉得呢度食物款式几特别几广，同平时啲冰室唔同，例如有蛋包饭，铁板乌冬，锯扒，鳗鱼饭等等⋯⋯我就食台湾手工拌面😋秘制·黯然叉烧伴葱油肉操手工拌面我最怕叉烧干争争，呢个叉烧一啲都唔干，肥瘦平均，食起嚟肉感软嫰，仲有蜜香味，好食！手工面条条都有厚度，腍得黎几弹牙，好似食紧幼条版刀削面咁～套餐送蚝油生菜同热饮。我加$8 要养颜三宝，姐系桂圆红枣杞子蜜、黑糖姜母柠檬蜜、蜂蜜柚子荔枝蜜，三款都好啱女仔饮，我就择「桂圆红枣杞子蜜」补气养血岩我！