雪山冰廳

营业中

休息中

平日3点3，最钟意去茶记食个下午茶。呢间冰厅平时好多人排队，款式多得黎，价钱又大众化。经典芝蛋牛肉汉堡包加海苔薯条，呢个经典组合真系无得输，芝麻面包劲香口，半溶嘅芝士配搭住煎香嘅牛肉同鸡蛋，食落去啖啖都好满足。薯条略为粗身，都炸到脆卜卜，只系海苔粉偏少。麻酸辣鱼片嫩鸡米线，鱼片弹牙，鸡肉好嫩滑，食到小小辣嘅人都啱食。饮品大推茶走红豆冰，椰汁红豆冰饮得多，奶茶底加红豆都系第一次试，原来味道都好夹架㖞！另外我地仲试咗招牌避风塘生炸鸡髀，鸡髀外皮香脆得黎，入面又保持到好嫩，加埋满满香辣嘅炸蒜，好惹味！榛子酱西多士，味道出奇地好夹，食晒都仲想继续食。