車仔麵之家 (已結業)

近日来到北角返parttime，每次到lunch time都要四围揾食，今日经过呢条小巷子，见车仔面都咁多人排，一定有其吸引力，所以就入左去试试。午市时间人流爆满，半开放式厨房，店内亦有电视供客人观看，店内采用自助形式，先拣好食物，到收银处付款，之后会叫号码供客人取餐。车仔面𩠌菜款式特多，应有尽有，面既份量亦有大有小，拣左一段时间先拣到想食d乜。下午茶更加抵食呢碗系我点既:生菜、鸡翼、炸墨鱼腐皮卷、炸猪扒、米粉 (小辣) 呢度既辣味道好浓郁，建议先试小辣，因为小辣已经好刺激。炸墨鱼腐皮卷爽弹，味道好讨好。炸猪扒带有香茅味，同出面食既唔同，而且都几多肉。朋友点:萝卜、墨鱼条、牛腩、煎鱼饼、甜酸斋、米线 （中辣）中辣味道更加强劲萝卜软腍入味，墨鱼条好似香肠咁既样牛腩原来会比一半牛筋所以唔钟意牛筋既人可以预先通知走牛筋煎鱼饼香口，没有鯹味甜酸斋另上，脆炸几滋味最后来一杯青柠梳打，透心凉呢。选择多而且味道够哂入味，店内干净整洁，难怪咁多人排队。