石磨樂豆

营业中

休息中

今日经过呢间豆乳专门店，睇睇餐牌佢地有好多唔同款式嘅豆乳饮品，仲有热饮供应,例如好立克味,即磨咖啡味同9 °微甜浓豆乳,最啱秋冬饮,佢地间唔中会出期间限定款,今期就系蝶豆花茉莉豆乳冻，所以叫咗黎试吓。呢间系新加坡品牌,有信心保证,系用严选A级加拿大黄豆，每日石磨鲜制，所以我叫几款甜品同饮品试吓。蝶豆花芙茉莉豆乳涷份量都几多，食落好香滑，好重豆味，碟豆花嘅颜色都几靓，粉紫色，非常吸引。三色芋圆西米露d芋圆同西米都几多，好足料，芋圆咬落烟烟韧韧，好有口感，而西米露食落唔太甜，好味。奶盖芋泥小丸子d奶盖都几厚，好香奶味，而芋泥嘅香味好浓郁，唔算太甜，仲有烟韧嘅小丸子，口感好丰富。抹茶红豆小丸子豆乳豆乳味劲香浓，好滑，抹茶味都几特出，豆乳同抹茶mix一齐，劲夹，加埋红豆同小丸子，劲正。