Wingman (閣麟街)

营业中

休息中

一出lift就见到系九龙皇帝笔迹墙，而餐厅入面就有霓虹光管装饰，好本土特色，而座位大约有2X个左右，唔算好迫涩。侍应会先用消毒喷雾枪帮你全身消毒，令你食得安心。鸡翼款式有好多，有成18款拣，西式中式既味都有，如果食得到多可以拣鸡翼任食就可试齐哂。今次只叫左个拼盘$268加个小食，拼盘份量都唔少，每人平均$130。菠菜甘蓝沙律配柚子酱估唔到咁好味，菜新鲜爽口无苦涩，而重点系佢每一块每个位置都沾满酱汁，柚子香味浓，而汁酸味岩岩好无过酸，令人食得好开胃。水牛城酱鸡翼酱汁均匀系成只鸡翼到，醋酸味出带有少辣，鸡翼唔算干。巴马臣芝士蒜蓉鸡翼大量蒜蓉洒上鸡翼上，相比下芝士味无蒜味咁出，干身款鸡翼皮会多少许脆口。日本蜂蜜芥末鸡翼三个中自己偏喜爱呢款，蜂蜜香味好出，有蜜糖关系令鸡翼表面熠熠炅，而芥末可以自己选择加几多。甜薯薯条 $55试过一次甜薯薯条，依家无论边到有得拣都一定会叫黎食，愈咬愈出甜薯嘅香甜味，而呢到薯条偏向淋身实在，饱肚感十足。