CJ Cafe (已結業)

星期日晚饭时段周围都要等位，经过呢度发现唔驶等位，环境又舒适，就入黎试下~窗外可以睇住人地戏水，真系好舒畅，就算自己唔玩都好开心!晚餐餐牌:餐汤只有什菜汤，冇得选择。味道一般:B.炭烧纽西兰草饲牛肉眼扒餐$148，呢个真系好好食，份量足，有碳烧味道，好有牛味亦都好霖，但又好有口感。大推~H.龙虾汁海鲜天使面 $88，材料有虾、蚬、青口，加上浓郁既龙虾汁，几好食，卖相亦都好靓。可惜有啲碎既青口壳，唔觉意咬左落去，牙都争啲崩，牙痺左十分钟。如果唔小心吞左都唔知点算，食时要小心!!加$6可转特饮:蓝蝶水晶系列，左:石榴味，右:芒果味。底层系类似啫喱或大菜糕。但两杯都激甜，亦唔系果汁饮品，系用啲浓缩糖浆冲既。